ته‌له‌فزیۆنی فه‌رمی سووریا بڵاوی كرده‌وه كه ئه‌مشه‌و به چه‌ند مووشه‌كێك ناوچه‌كانی ده‌وروبه‌ری دیمه‌شقی پایته‌خت بۆردومان كراون و مووشه‌كه‌كانیش له ئیسڕائیل ره‌وانه كراون.
ته‌له‌فزیۆنی (ئه‌خبارییه سووریا) ڕایگه‌یاند: ئه‌مشه‌و به چه‌ند مووشه‌كێكی ئیسڕائیلی ناوچه‌كانی ده‌وروبه‌ری دیمه‌شق بۆردومان كراوه.
ڕاشیگه‌یاند: به‌شێك له مووشه‌كه‌كان له‌لایه‌ن دژه‌مووشه‌كه‌كانه‌وه به‌رپه‌رچ دراونه‌ته‌وه و خراونه‌ته خواره‌وه.
لای خۆیه‌وه وه‌زاره‌تی به‌رگریی سووریا له‌باره‌ی بۆردومانه‌كان ئاشكرای ده‌كات كه دوو سه‌ربازیان به‌هۆیه‌وه بریندار بووه و زیانی ماددیش كه‌وتۆته‌وه.
سه‌رچاوه میدیاییه‌كان ئاماژه به‌وه ده‌كه‌ن كه ئه‌مشه‌و ده‌نگی چه‌ند ته‌قینه‌وه‌یه‌كی گه‌وره له ده‌وروبه‌ری دیمه‌شق بیستراون و به گوێره‌ی زانیارییه سه‌ره‌تاییه‌كان مووشه‌كان له ئیسڕائیله‌وه نێردراون.
کۆمێنت (0)
تا ئێستا هیچ کۆمێنتێک نەکراوە.