بەیانی ئەمڕۆ یەكشەممە 3-12-2023 بە ئامادەبوونی سەربەست لەزگین،بەرپرسی مەكتەبی رێكخستنی پارێزگای هەولێر-ی پارتی دیموكراتی كوردستان و بەرپرسی لقی 23ی قەرەچووغ و د.ئومێد سەباح،سەرۆكی دیوانی ئەنجومەنی وەزیرانی حكومەتی هەرێمی كوردستان و ئومێد خۆشناو،پارێزگاری هەولێر،لەسنووری ناحیەی شەمامك كۆبوونەوەیەكی فراوانیان لەگەڵ چین و توێژەكانی كوردو عەرەب و بەرپرسی یەكە ئیدارییەكانی سنووری قەزای مەخمور ئەنجامدا.
لەكۆبوونەوەكەدا سەرۆكی دیوانی ئەنجومەنی وەزیرانی هەرێمی كوردستان، بەڕوونی باسی دەسكەوتەكانی هەرێمی كوردستان و سەرۆكی حكومەتی كرد،بەرامبەر بە دروست بوونی ئارامی سەقامگیری و خزمەتگوزاری و ئاوەدانی.
هەروەها گوتی: ئەمڕۆش هاتووین لەگەڵ بەرپرسی یەكە ئیدارییەكانی سنوورەكە قسە بكەین لەسەر ئەنجامدانی پڕۆژەی خزمەتگوزاری جیا جیا بەبێ جیاوازی لەناوچەكە ئەنجام بدەین.
هەر لە كۆبووەنەوەكەدا كۆمەڵێك بابەتی دیكە بۆ خزمەتكردنی دەڤەرەكە خرانە روو.
هەواڵ و فۆتۆ/ كارزان كاكل
کۆمێنت (0)
تا ئێستا هیچ کۆمێنتێک نەکراوە.