Erbil 15°C یەکشەممە 03 ئازار 18:21

له‌ به‌عقووبه‌ داعش هێرشی كردووه‌ و كوژرا و برینداری زۆر هه‌ن

کوردستان TV
100%

ئه‌مشه‌و پێنجشه‌م و كه‌مێك پێش ئێستا له‌ سنووری شاری به‌عقووبه‌ سه‌ر به‌‌ پارێزگه‌ی دیاله‌ چه‌كدارانی داعش بۆمبێكی چێنراویان به‌ ئۆتۆمبێلێكدا ته‌قاندۆته‌وه‌ و دواتریش هێرشی چه‌كدارییان كردۆته‌ سه‌ری‌، له‌ ئه‌نجامی هێرشه‌كه‌ش كوژرا و برینداری زۆر هه‌ن.

چه‌كداره‌ داعشه‌كان له‌ گوندی عه‌مڕانییه‌ له‌ نزیك شاره‌دێی وه‌جیهییه‌ سه‌ر به‌ شاری به‌عقووبه، سه‌ره‌تا ئۆتۆمبێلێكی مه‌ده‌نییان له‌ ڕێگه‌ی بۆمبێكی چێنراوه‌وه‌ كردۆته‌ ئامانج و ته‌قاندۆته‌وه‌.

دوای ته‌قاندنه‌وه‌ و په‌ككه‌وتنی ئۆتۆمبێله‌كه‌، چه‌كداره‌ داعشه‌كان به‌ چه‌كی سووك و قه‌ناس هێرشیان كردۆته‌ سه‌ر سه‌رنشینه‌كانی ناوی.

به‌گوێره‌ی زانیارییه‌ سه‌ره‌تاییه‌كان، له‌ ئه‌نجامی هێرشه‌كه‌دا 8 سه‌رنشینی ئۆتۆمبێله‌كه‌ كوژراون و 4ی دیكه‌ش بریندار بوون.

ئێستا پۆلیس و هێزه‌ ئه‌منییه‌كانی شاری به‌عقووبه‌ گه‌یشتوونه‌ته‌ شوێنی ڕووداوه‌كه‌ و به‌دوای چه‌كداره‌ داعشه‌كانه‌وه‌ن.

رۆژهه‌ڵاتی ناوه‌راست عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.