كۆبوونه‌وه‌ی شاندی هه‌رێم و سه‌رۆك وه‌زیرانی عێراق له‌سه‌ر پرسی مووچه‌ و شایسته‌ داراییه‌كان ده‌ستی پێكرد

شاندی هه‌رێمی كوردستان له‌سه‌ر پرسی مووچه‌ و شایسته‌داراییه‌كان له‌گه‌ڵ محه‌ممه‌د شیاع سوودانی سه‌رۆك وه‌زیرانی عێراقی فیدڕاڵ له‌ كۆبوونه‌وه‌دایه‌.
وه‌زاره‌تی دارایی و ئابووری حكوومه‌تی هه‌رێمی كوردستان بڵاویكرده‌وه‌، کۆبوونەوەی شاندی باڵای هەرێمی کوردستان بەسەرۆکایەتی ئاوات جەناب نوری وەزیری دارایی و ئابووری لەگەڵ محەمەد شیاع سودانی سەرۆک وەزیرانی عێراق لە بەغدا دەستی پێکرد.
به‌یانی ئه‌مرۆ دووشه‌م 27ی11ی2022، شاندی هه‌رێمی كوردستان به‌سه‌رۆكایه‌تی ئاوات جه‌ناب وه‌زیری دارایی و ئابووری، د.ئومێد سه‌باح سه‌رۆكی دیوانی ئه‌نجومه‌نی وه‌زیران، د. ئامانج ڕه‌حیم سكرتێری ئه‌نجومه‌ن و د. عەبدول حەکیم خەسرۆ سەرۆکی فەرمانگەی هەماهەنگی و بەدواداچوون و خالید هادی چاوشلی ڕاوێژکار لە ئەنجومەنی وەزیران بەرەو شاری بەغداد بەڕێکەوتن.
پرسی موچەی فەرمانبەرانی هەرێمی کوردستان و هەموارکردنەوەی یاسای بودجەو پرۆسەی هەناردەکردنەوەی نەوتی هەرێمی کوردستان لەگرنگترین تەوەرەکانی کۆبونەوەیان ده‌بێت له‌گه‌ڵ سه‌رۆك وه‌زیرانی عێراقی فیدڕاڵ.