رۆژی چوارشەممە، 22ی تشرینی دووەمی 2023، ئەنجومەنی وەزیرانی هەرێمی كوردستان، بە سەرپەرشتی مەسرور بارزانی، سەرۆكوەزیرانی هەرێمی كوردستان و ئامادەبوونی قوباد تاڵەبانی، جێگری سەرۆكوەزیران كۆدەبێتەوە.
لە بڕگەی یەكەمی كۆبوونەوەكەدا ئەنجومەنی راژەی گشتی، راپۆرتێك سەبارەت بە میلاكی گشتی حكومەتی هەرێمی كوردستان و دەرەنجامی پرۆسەی وردبینی هاوبەشی هەردوو دیوانی چاودێری دارایی فیدراڵ و هەرێم دەخاتەڕوو.
بڕگەی دووەمی كۆبوونەوەكە، تایبەت دەبێت بە خستنەڕووی كۆنووسی كۆبوونەوەی هاوبەشی وەزیری داد و وەزیری هەرێم بۆ كاروباری پەرلەمان و سەرۆكی ئەنجومەنی شورای هەرێمی كوردستان، تایبەت بە دیاریكردنی چوارچێوەی یاسایی ئەو یاسا و بڕیارانەی پەرلەمانی كوردستان، كە لە دوای 6ی تشرینی دووەمی 2022، كەوتوونەتە بواری جێبەجێ كردن.
لە بڕگەی سێیەم و كۆتایی دا، دوو بابەت دەخرێنەڕوو سەبارەت بە جێبەجێ كردنی بڕگە و ماددەكانی یاسای چاكسازیی، كە لەسەر راسپاردەی نووسینگەی سەرۆكوەزیران پێشنیاز كراوە بخرێتە بەردەم ئەنجومەنی وەزیران.
کۆمێنت (0)
تا ئێستا هیچ کۆمێنتێک نەکراوە.