سه‌رۆكی ئه‌مه‌ریكا ئه‌مڕۆ دووشه‌م ڕایگه‌یاند، ڕێككه‌وتنی نێوان ئیسڕائیل و بزووتنه‌وه‌ی حه‌ماس نزیك بووه‌ته‌وه و به‌مزووانه سه‌رجه‌م دیل و بارمته‌كان له شاری غه‌ززه ئازاد ده‌كرێن.
جۆ بایدن سه‌رۆكی ئه‌مه‌ریكا بۆ رۆژنامه‌ی (رۆیته‌رز) گوتوویه‌تی: پێموایه ڕێككه‌وتنی نێوان ئیسڕائیل و بزووتنه‌وه‌ی حه‌ماس سه‌باره‌ت به ئازادكردنی دیل و بارمته‌كان له غه‌ززه نزیك بووه‌ته‌وه.
هه‌روه‌ها گوتوویه‌تی: به‌م نزیكانه سه‌رجه‌م دیله‌كان له غه‌ززه ئازاد ده‌كرێن.
كه‌تائیبی قه‌سام باڵی سه‌ربازی بزووتنه‌وه‌ی حه‌ماس رۆژی 7ی ئۆكتۆبه‌ری رابردوو ئۆپه‌ڕاسیۆنی تۆفانی ئه‌قسای ڕاگه‌یاند و له‌و رۆژه‌دا دوای هێرشی زه‌مینی و ئاسمانی و ده‌ریایی، 240 ئیسڕائیلی و بیانی وه‌ك دیل و بارمته گواسته‌وه بۆ غه‌ززه.
پێشتریش بنیامین نه‌تانیاهۆ سه‌رۆك وه‌زیرانی ئیسڕائیل چه‌ند جارێك جه‌ختی كردبووه‌وه كه به‌بێ ئازادكردنی دیله‌كان، به‌هیچ شێوه‌یه‌ك راگه‌یاندنی ئاگربه‌ست و گفتوگۆ له‌سه‌ر ڕاگرتنی شه‌ڕ ناكه‌ن.
کۆمێنت (0)
تا ئێستا هیچ کۆمێنتێک نەکراوە.