ئه‌ڤرو ئێڤاری 15ی چریا دوو‌ێ 2023ێ، ل هولا محمد عارفێ جزیری ب چاڤدێری و ئاماده‌بونا "د.عه‌لی ته‌ته‌ر " پارێزگارێ دهوكێ و هژماره‌كا فه‌رمانده و نونه‌رێن فه‌رماندێن له‌شكه‌ری و رێڤه‌به‌رو به‌رپرسێن داموده‌زگایێن حكومی و حزبی و كه‌سوكارێن شه‌هیدێن كوردستانێ رێوره‌سمێن به‌لافكرنا په‌رتوكا " البيشمركة والمناضل مسعود البارزاني" پێشمه‌رگه و خه‌باتگێر مه‌سعود بارزانی "یا ژ نڤێسانا شه‌هیدێ قه‌هره‌مان "رائید روكن, حه‌یده‌ر شه‌هی " هاتنه گێران و ئه‌ڤ په‌رتوكه ژی ژ زنجیرا 33ێ ژوه‌شانێن پارێزگه‌ها دهوكێ ب پشتەڤانیا دارایی یا پارێزگارێ دهوکێ و ب هەماهەنگی دگەل رێڤەبەریا راگەهاندن و چاپ و بەلاڤكرنێ ل چاپخانا پارێزگەها دهۆکێ هاتیه چاپكرن.
رێزدار پارێزگارێ دهوكێ د په‌یڤه‌كێ دا سلاڤ و رێزێن سه‌روك بارزانی گه‌هاندنه شێره ژنا كورد "دایكا,خه‌ولا شه‌هی" دایكا شه‌هیدی و هه‌مو كه‌سوكار و شه‌هیدێن كوردستانێ و پێشمه‌رگه‌یێن قه‌هره‌مان و ب درێژی به‌حسێ رولێ شه‌هید حه‌یده‌ر شه‌هی و قه‌هره‌مانیا وی و ناڤه‌روكا په‌رتوكا هاتیه چاپكرن كر هه‌روه‌سان پشته‌ڤانیا خۆ یا به‌رده‌وام بو چاپكرنا هه‌مو په‌رتوكێن خزمه‌تا دوزا ره‌وایا گەلێ کوردستانێ دكه‌ن دوپاتكر و گوت باشترین وه‌فا بو شه‌هیدێن گیان فیدا ئه‌وه به‌رده‌وامیێ ب رێبازا وان بده‌ین و به‌رگریێ ژوان ده‌ستكه‌فتان بكه‌ین یێن شه‌هیدان ب خوینا خۆ پاراستین هه‌روه‌سان فلمه‌كێ دیكیومێتاری لدور ژیان و قه‌هره‌مانیا شه‌هیدی هاته نیشاندان پاش پارێزگارێ دهوكێ ئێكه‌م په‌رتوكا شه‌هیدی پێشكێشی دایكا شه‌هیدی كر
دایكا شه‌هیدی بخێرهاتنا هه‌مو لایان كر و گوت ئه‌م ده‌ستا ژ رێبازا كورد و كوردستانێ به‌رناده‌ین و زور سوپاسی ئاراسته‌ی پارێزگارێ دهوكێ كرن پاش كورێ شه‌هیدی قه‌فته گوله‌ك پێشكێشكر و هونه‌رمه‌ند بێكه‌س نوری چه‌ند پارچێن موزیك ژه‌نین هه‌روه‌سان رێكخراوا شه‌دا تابلویه‌كێ وێنه‌یێن هه‌موو شه‌هیدێن شه‌رێ لدژی تیرورستێ داعش پێشكێشی پارێزگارێ دهوكێ كرن و لدوماهیێ ژی چه‌ند نونه‌رێن فه‌رمانده و ده‌زگایێن جودا دگه‌ل هه‌ڤالێن سه‌نگه‌ری یێن شه‌هیدی په‌رتوكا شه‌هیدی وه‌رگرت.
کۆمێنت (0)
تا ئێستا هیچ کۆمێنتێک نەکراوە.