Erbil 12°C شەممە 02 کانونی یەکەم 08:08

ئەمڕۆ لە رێوڕسمێك دا كتێبی (هاوڕێیانی پەروەردە) بڵاودەكرێتەوە

کوردستان TV
100%

ئەمڕۆ سێشەممە 7-11-2023 لە شاری هەولێر لە یەكێتی مامۆستایانی كوردستان لەرێوڕسمێك دا كتێبی (هاوڕێیانی پەروەردە) لە نووسینی نووسەر ( سوهەیل تاهیر عەبدولڵا ) بڵاودەكرێتەوە.
لەسەرناوەرۆكی كتێبەكە نووسەر( سوهەیل تاهیر عەبدولڵا ) سەرپەرشتیاری پەروەردەیی لەلێداوانێكی تایبەت بە ماڵپەری كوردستان تیڤی راگەیاند"كتێبی (هاوڕێیانی پەروەردە)، كتێبێكە تایبەت بەبواری پەروەردە ، پێك دێت لە 215 لاپەڕە ، چەندین بابەتی پەروەردەیی لە خۆدەگرێت هەر لە سەرەتای لە دایك بوونی منداڵ تا تەمەنی 18 ساڵ ، ئامانج لە بابەتەكانی ئەو كتێبە ئاراستەكردنی منداڵە بۆ ئەوەی بتوانیین كۆمەڵگەیەكی پێشكەوتوو بنیاد بنێین ، نووسەر تیشكی خستۆتە سەر شێوازە ئەرێنییەكانی پەروەردە كردن و چەندین رێنمایی و ئامۆژكاری ئاراستەی دایك و باوكان دەكات ". 
هەرلە درێژەی لێدوانەكەی گوتی" لە كتێبەكە تیشك خراوەتە سەر قۆناغەكانی خوێندن و رۆڵی مامۆستا و دامەزراوە پەروەردەییەكان لە بنیادنان و پەروەردە كردن و چەسپاندنی چەندین بەهای بەرزی كۆمەڵایەتی لە ناخی قوتابیان بەئامانجی پاراستنی ئاسایشی نیشتیمانی و نەتەوەیی و كۆمەڵایەتی و تەندروستی . كە لە كتێبەكەدا خێزان و دامەزراوە پەروەردەییەكانی پێكەوە بەستۆتەوە بۆ ئەوەی بتوانرێ بە باشترین شێوە منداڵانی كوردستان پەروەردە بكرێن ".
نووسەر( سوهەیل تاهیر عەبدولڵا ) سەرپەرشتیاری پەروەردەییە لە پەروەردەی ناوەندی هەولێر لە دایك بووی ساڵی 1967 ـە سەدان بابەتی رۆشنبیری و كۆمەڵایەتی و پەروەردەیی لە رۆژنامەو گۆڤارو ماڵپەڕەكان بڵاو كردۆتەوە،ئەوە دووەمین كتێبی نووسەرە لە بواری پەروەردە ، ئەو كتێبەش لە لایەن وەزارەتی حكومەتی هەرێمی كوردستان كابینەی نۆیەم بەچاپ گەیەندراوە .
شایانی باسە كۆڕەكە لە لە یەكێتی مامۆستایانی كوردستان مەكتەبی سكرتارییەت،هۆڵی شەهید حەسیب كاتژمێر 4ی ئێوارە بەڕێوە دەچێت.
 

چاپکراوه‌کان هه‌مه‌ره‌نگ

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.