سەرۆکی حکوومەتی هەرێمی کوردستان پێشوازی لە باڵیۆزی پاکستان لە عێراق کرد، لە کۆبوونەوەکەدا باڵیۆزی پاکستان ستایشی پێشکەوتن و ئارامی هەرێمی کوردستانی کرد.
ئەمڕۆ دووشەممە 23ـی 10ـی 2023 مەسرور بارزانی سەرۆکی حکوومەتی هەرێمی کوردستان پێشوازی لە ئەحمەد ئەمجەد عەلی باڵیۆزی پاکستان لە عێراق کرد کە بەبۆنەی کۆتاهاتنی ئەرکەکەی سەردانی کردبوو.
سەرۆکی حکوومەت و باڵیۆزی پاکستان لە عێراق لە دیدارەکەیاندا بەهێزکردنی پەیوەندی دوولایەنەیان تاوتوێ کرد بەتایبەتی لە بواری بازرگانی و وەبەرهێنان.
مەسرور بارزانی سوپاسی باڵیۆزی کرد بۆ کارکردنی لەپێناو پەرەپێدانی پەیوەندییەکانی هەرێمی کوردستان و پاکستان و هیوای سەرکەوتنی لە ئەرکی داهاتوویدا بۆ خواست.
لەبەرامبەردا باڵیۆزی پاکستان وێڕای ستایشکردنی پێشکەوتن و ئاوەدانیی هەرێمی کوردستان، پێزانینی خۆی بۆ لایەنە پەیوەندیدارەکانی حکوومەتی هەرێمی کوردستان دەربڕی بۆ هاوکاری و پشتگیرییان لە سەرخستنی ئەرکەکەی.
کۆمێنت (0)
تا ئێستا هیچ کۆمێنتێک نەکراوە.