وه‌زاره‌تی به‌رگریی ئیسڕائیل ئه‌مڕۆ یه‌كشه‌م ڕایگه‌یاند له رۆژی 7ی ئۆكتۆبه‌ر و ده‌ستپێكی جه‌نگیان به‌رامبه‌ر به گرووپه چه‌كداره‌كانی فه‌ڵه‌ستین تا ئێستا 1210 ئه‌فسه‌ر و سه‌ربازی سوپاكه‌یان كه‌مئه‌ندام بوون.
به‌شی دووباره گه‌ڕانه‌وه‌ی وه‌زاره‌تی به‌رگریی ئیسڕائیل ئاماژه به‌وه ده‌كات كه له‌و 1210 ئه‌فسه‌ر و سه‌ربازه‌یان كه په‌ككه‌وته‌بوون، به‌شی زۆریان نه‌خۆشخانه‌یان جێهێشتووه.
جه‌ختیشی كرده‌وه كه له‌و ڕێژه‌یه 88% په‌ككه‌وته‌كان پێویستیان به هاوكاری پزیشكی و دارایی هه‌یه بۆ خۆیان و ماڵباته‌كانیان.
سه‌باره‌ت به كۆی گشتی كوژراوه‌كانیش، وه‌زاره‌تی به‌رگریی ئیسڕائیل ئاماژه به‌وه ده‌كات كه له رۆژی 7ی ئۆكتۆبه‌ره‌وه تا ئێستا 306 ئه‌فسه‌ر و سه‌ربازیان كوژراون.
هه‌روه‌ها كۆی گشتی كوژراوه مه‌ده‌نی و سه‌ربازییه‌كانی ئیسڕائیلیش بریتییه له زیاتر له 1400 كوژراو.
کۆمێنت (0)
تا ئێستا هیچ کۆمێنتێک نەکراوە.