وه‌زاره‌تی ته‌ندروستی ئیسڕایل ئه‌مڕۆ هه‌ینی دوایین ئاماری قوربانییانی به‌هۆی شه‌ڕ و پێكدادانه‌كانی له‌گه‌ڵ گرووپه چه‌كداره‌كانی فه‌ڵه‌ستین بڵاو كرده‌وه.
وه‌زاره‌ته ئیسڕائیلییه‌كه له به‌یاننامه‌یه‌كدا بڵاوی كرده‌وه: ژماره‌ی كوژراوانمان نزیكه‌ی 1400 كه‌سه و له‌گه‌ڵ برینداربوونی 4834 كه‌سی تر.
بڵاویشی كرده‌وه: له رێژه‌ی برینداره‌كان تا ئێستا 301 كه‌س له نه‌خۆشخانه‌كان ماون و له‌ژێر چاره‌سه‌ری پزیشكیدان كه 48 كه‌سیان بارودۆخی ته‌ندروستییان مه‌ترسیدار و ناجێگیره، هه‌روه‌ها حاڵه‌تی 173 كه‌سی تریش مامناوه‌نده.
سه‌باره‌ت به بارمته و ڕفێنراوانیش، وه‌زاره‌تی ته‌ندروستی ئیسڕایل ئاماژه‌ی به‌وه دا كه به‌لایه‌نی كه‌م 203 هاووڵاتی ئیسڕائیلی بارمته‌ن له‌ژێر ده‌ستی گرووپه چه‌كداره‌كانی فه‌ڵه‌ستین له غه‌ززه.
کۆمێنت (0)
تا ئێستا هیچ کۆمێنتێک نەکراوە.