ئه‌مڕۆ هه‌ینی نرخی نه‌وت له بازاڕه‌كانی جیهان به به‌رزبوونه‌وه ده‌ستی پێ كرد به‌هۆی كاریگه‌ری شه‌ڕ و ئاڵۆزییه‌كانی نێوان فه‌ڵه‌ستین و ئیسڕائیل و توندكردنی ئابڵووقه‌كانی ئه‌مه‌ریكا به‌سه‌ر هه‌نارده‌كردنی نه‌وتی ڕووسیا و پێشبینییه‌كان بۆ كه‌مبوونه‌وه‌ی به‌رهه‌می خه‌زنكراوی نه‌وت له جیهاندا تا كۆتایی ئه‌مساڵ.
سه‌رله‌به‌یانی ئه‌مڕۆ هه‌ینی نرخی هه‌ر به‌رمیلێك نه‌وتی برێنت له بازاڕه‌كان 36 سه‌نتی هاته سه‌ر، واته به‌ڕێژه‌ی 0.4% به‌رزبووه‌وه و گه‌یشته 86.36 دۆلار.
به‌هه‌مانشێوه نرخی نه‌وتی خاوی تێكساسی ئه‌مه‌ریكیش به‌رزبووه‌وه و هه‌ر به‌رمیلێك 53 سه‌نتی هاته سه‌ر، واته به‌ڕێژه‌ی 0.6% به‌رزبووه‌وه و ئێستا به 83.44 دۆلار مامه‌ڵه‌ی پێوه ده‌كرێ.
کۆمێنت (0)
تا ئێستا هیچ کۆمێنتێک نەکراوە.