بەهای دۆلار لە هەولێر و بەغدا بەرزبۆوە

ئەمڕۆ سێشەممە نرخی دۆلار لە بازاڕەكانی بەغدا و هەولێری پایتەختی هەرێمی كوردستان بەرزبووەوە.
لەگەڵ كردنەوەی بۆرسەكانی كیفاح و حورییە لەبەغدا، نرخی دۆلار بەرزبووەتەوە و بە 156 هەزار و 900 دینار بەرامبەر بە 100 دۆلار تۆماركراوە، لەكاتێكدا دوێنێ دووشەممە، نرخی 100دۆلار بە 156 هەزار و 150 دینار بووە.
هەروەها نرخی فرۆشتن لە نووسینگەكانی ئاڵوگۆڕی دراو لە بازاڕە ناوخۆییەكانی بەغدا بەرزبووەتەوە، بەو پێیەی نرخی فرۆشتنی 100 دۆلار گەیشتووەتە 157 هەزار و 750 دیناری عێراقی، لە كاتێكدا نرخی كڕین بۆ هەر 100 دۆلارێك گەیشتووەتە 155 هەزار و 750 دینار.
سەبارەت بە هەولێر-یش، دۆلار بەرزبوونەوەی تۆماركردووە، بەو پێیەی نرخی فرۆشتنی 100 دۆلار گەیشتووەتە 156 هەزار و 500 دینار .