هەفتەی داهاتوو كۆتایی بەدابەشكردنی مووچەی مانگی حەوت دێت

وەزارەتی دارایی و ئابووری حكومەتی هەرێمی كوردستان لە دابەشكردنی مووچەی مانگی حەوتی مووچەخۆران بەردەوامە.
بە گوێرەی راگەیەندراوی وەزارەتی دارایی و ئابووری حكومەتی هەرێمی كوردستان، ئەمڕۆ سێشەممە 3ی10ی2023، مووچەی مانگی حەوتی دەستەكانی، مافی مرۆڤ،دەستپاكی، وەبەرهێنان، ژینگە، دەزگای مین،ناوچەكانی دەرەوەی هەرێم،كۆمیسیۆنی باڵای هەڵبژاردن،دیوانی چاودێری دارایی دابەشدەكرێت.
شایانی باسە رۆژی یەكشەممەی رابردوو 24ی9ی2023، وەزارەتی دارایی و ئابووری حكومەتی هەرێمی كوردستان لیستی مووچەی فەرمانبەرانی هەرێمی كوردستانی راگەیاند، كە بە وەزارەتی تەندروستی دەستپێدەكات و رۆژی 8ی10ی2023، بە دابەشكردنی مووچەی سێ سەرۆكایەتییەكە و خانەنشینی پێشمەرگە، كۆتایی بە دابەشكردنی مووچەی مانگی حەوت دێت.