خۆراکێكی زۆر لە کۆگاکان هەن... پرۆسەى دابەشکردنیان بەسەر هاووڵاتییاندا بەردەوام دەبێت

هەشتەم بەشەخۆراکی مانگانەى هاووڵاتییان کە شەش کەرەستەى خۆراکین، بەسەر هاووڵاتییاندا دابەش دەکرێن.
نەوزاد شێخ کامیل، بەڕێوەبەرى گشتیی بازرگانی، بە فەرمانگەى میدیا و زانیاریی ڕاگەیاند: "پرۆسەى دابەشکردنی بەشەخۆراکی هاووڵاتییان بەردەوامە و تا ئێستا حەوت بەشە خۆراک دابەش کراوە؛ ئێستا خەریکین هەشتەم بەشەخۆراک بۆ ئەمساڵ بەسەر هاووڵاتییاندا دابەش بکەین."
لەبارەى کەرەستە خۆراکییەکانەوە گوتی: "بریتین لە شەکر، برنج، زەیت، دۆشاوى تەماتە، پاقلەمانەییەکان وەکوو نیسک و لەتکەنۆک؛ دابەشکردنی حەوتەمین بەشەئاردیش دەستی پێ کردووە."
نەوزاد شێخ کامیل، گوتیشی: "خۆراکی زۆر لە کۆگاکانی هەرێمی کوردستان و عێراقدا هەن و پرۆسەى دابەشکردنیان بەسەر هاووڵاتییاندا بەردەوام دەبێت."