بەهای دۆلار لە هەولێر و بەغدا بەرزبووەوە

ئەمڕۆ شەممە، نرخی دۆلار لە بازاڕەكانی بەغدا و لە هەولێری پایتەختی هەرێمی كوردستان بەرزبوونەوەی بەخۆیەوە بینی.
لەگەڵ كردنەوەی بۆرسەكانی كیفاح و حورییە بەغدا نرخی  100دۆلار بەرزبووەتەوە و گەیشتووەتە 156 هەزار دینار ، لەكاتێكدا پێنجشەممەی ڕابردوو نرخی 100دۆلار 155 هەزار و 700 دینار بووە.
هەروەها نرخی فرۆشتنی دۆلار لە نووسینگەكانی ئاڵوگۆڕ ی دراو لە بازاڕە ناوخۆییەكانی بەغدا بەرزبووەتەوە، بەو پێیەی نرخی فرۆشتنی 100 دۆلار گەیشتووەتە 157 هەزار دیناری عێراقی، لەكاتێكدا نرخی كڕین بۆ هەر 100 دۆلارێك گەیشتووەتە 155 هەزار دینار.
سەبارەت بە هەولێر-یش، بازاڕی بۆرسە لە ڕۆژانی پشووی فەرمیدا مامەڵەی پێوە ناكرێت، بەڵام نرخی 100 دۆلار كە لە نووسینگەكانی ئاڵوگۆڕدا تۆماركراوە، گەیشتووەتە 155 هەزار و 600 دینار .