هێزه‌كانی سوپای ئه‌مه‌ریكا ئاشكرایان كرد كه له ئۆپه‌ڕاسیۆنێكی تۆكمه‌ی دابه‌زین له فڕۆكه‌دا توانیویانه سه‌ركرده‌یه‌كی باڵای داعش له سووریا ده‌ستگیر بكه‌ن.
فه‌رمانده‌یی ناوه‌ندیی هێزه‌كانی ئه‌مه‌ریكا ڕایگه‌یاند: رۆژی شه‌ممه‌ی ڕابردوو له ئۆپه‌ڕاسیۆنێكی پلانداڕێژراو و تۆكمه‌ی دابه‌زینی سه‌ربازان به فڕۆكه له باكوری رۆژهه‌ڵاتی سووریا، توانیمان ئه‌بوو هه‌لیل فه‌دعانی سه‌ركرده‌ی ڕێكخراوی تیرۆریستی داعش ده‌ستگیر بكه‌ین.
ئه‌بوو هه‌لیل فه‌دعانی به‌رپرسی ئۆپه‌ڕاسیۆن و په‌یوه‌ندییه‌كانی ڕێكخراوی تیرۆریستی داعش بووه له ته‌واوی سووریا.
ئاژانسی هه‌واڵی (رۆیته‌رز) له‌باره‌ی سه‌ركرده‌كه‌ی داعش ئاماژه‌ی به‌وه‌داوه كه ناوبراو ده‌سه‌ڵاتی ته‌واوی به‌سه‌ر سه‌رجه‌م تۆڕه‌كانی ڕێكخراوی تیرۆریستی داعش له ناوچه‌كانی سووریادا هه‌بووه.
کۆمێنت (0)
تا ئێستا هیچ کۆمێنتێک نەکراوە.