مه‌كته‌بی سیاسی پارتی سه‌ره‌خۆشی له‌ خانه‌واده‌ی خدر ئاغای حەمە ئەمین ئاغای زییە ده‌كات

مه‌كته‌بی سیاسی پارتی دیموكراتی كوردستان پرسه‌نامه‌یه‌ك بۆ کۆچی دوایی کەسایەتی ناسراو خوالێخۆشبوو(خدر ئاغای حەمە ئەمین ئاغای زییە)بڵاوكرده‌وه‌.
مه‌كته‌بی سیاسی پارتی سه‌ره‌خۆشی له‌ خانه‌واده‌كه‌ی ده‌كات و رایده‌گه‌یه‌نن،به‌ڕێزان له‌  خانەوادەی کەسایەتی دیارو ناسراوی گەلەکەمان خوالێخۆشبوو (خدر ئاغای حەمە ئەمین ئاغای زییە)، بە داخ و پەژارەیەکی زۆرەوە هەواڵی کۆچی دوایی کەسایەتی ناسراو و پێشمەرگەی دێرین و فەرماندەی شۆڕشی ئەیلوول و گوڵان خوالێخۆشبوو (خدر ئاغای حەمە ئەمین ئاغای زییە) مان بیست، بە خەمناکییەوە پرسەوسەرخۆشی خۆمان ئاراستەی ئێوەی بەڕێز و کەسوکار و بنەماڵە تێکۆشەرەکەتان دەکەین، خۆمان بە هاوبەشی خەمتان دەزانین.
مه‌كته‌بی سیاسی پارتی ئاماژه‌ی به‌وه‌شكردووه‌، خوالێخۆشبوو (خدر ئاغای حەمە ئەمین ئاغای زییە) کەسایەتیەکی ناسراو و دڵسۆزو خەمخۆر و لە بنەماڵەیەکی شۆڕشگێڕ و ناوداری سنووری سلێمانی بوو، ئومێدەوارین دڵنەوایی و هاوخەمی هەڤاڵ و دۆست و هاوەڵ و ماتەمگێرانی ببێتە مایەی سەبووری و ئارامگرتنتان و لە خەم و خەفەتتان کەم بکاتەوە.
له‌ كۆتاییدا مه‌كته‌بی سیاسی پارتی دیموكراتی كوردستان رایده‌گه‌ێنێت، جارێکی دیکە پرسەوسەرەخۆشی خۆمان دووبارە دەکەینەوە، داواکارین لە خوای گەورە خوالێخۆشبوو بە بەهەشتی بەرین شاد بکات و ئێوەش لە خەم و خەفەت و کۆستی دیکە بە دوور بن..