بانكی رافیدەین روونكردنەوەیەكی سەبارەت بە پێدانی دۆلار بە گەشتیاران راگەیاند

ئەمڕۆ یەكشەممە، بانكی ڕافیدەین ئاگادارییەكی سەبارەت بە پێدانی دۆلار بە گەشتیارانی لقەكانی بڵاوكردەوە.
بانكەكە لە بەیاننامەیەكدا ئاماژەی بەوەكردووە، ژمارەیەك لە دەزگاكانی ڕاگەیاندن و پلاتفۆرمی سۆشیال میدیا، ئاماژە بەوە دەكەن  كە گەشتیاران وازیان لە وەرگرتنی دۆلار لە لقەكانی بانكی ڕافیدەین هێناوە كە بۆ ئەو مەبەستە دیاریكراوە.
 لەمبارەیەوە بانكەكە ئەم هەواڵە ڕەتدەكاتەوە و پابەندبوونی خۆی بە ڕێنماییەكانی بانكی ناوەندی عێراق سەبارەت بە دیاریكردنی پشكی هەفتانەی دۆلار دووپات دەكاتەوە.
هەروەها دەڵێت: باڵانسی دارایی بانكەكە بە دراوی دۆلار بەرز دەكرێتەوە و دواتر بەپێی خشتە ڕاگەیەندراو بەسەر لقەكانی بانكەدا دابەش دەكرێت، كە دۆلار بەنرخی فەرمی دەدەنە گەشتیاران.
بانكەكە لە درێژەی قسەكانیدا دەشڵێت: لە ئەنجامی داواكاری زۆری وەرگرتنی دۆلار لەلایەن هاووڵاتیانەوە،پشكی بانكەكە تەواو بووەو و لەگەڵ بانكی ناوەندی لەپەیوەندیداین بۆ ئەوەی دۆلاری زیاتر وەربگرین.