ئه‌مشه‌و دووشه‌م فڕۆكه جه‌نگییه‌كانی سه‌ر به سوپای عێراق، چه‌ندین مۆڵگه‌یه‌كی چه‌كدارانی داعشیان له سنووری دوو گوندی پارێزگای كه‌ركووك بۆردومان كردووه.
ئه‌و مۆڵگانه‌ی ئه‌مشه‌و له‌لایه‌ن فڕۆكه جه‌نگییه‌كانه‌وه بۆردومان كراون، ده‌كه‌ونه گوندی وادی شای له شارۆچكه‌ی داقووق له سنووری پارێزگای كه‌ركووك.
فڕۆكه جه‌نگییه‌كان هه‌ر ئه‌مشه‌و چه‌ند مۆڵگه‌یه‌كی تریشیان له ده‌شته‌كانی گوندی شه‌بیجه هه‌ر له سنووری شارۆچكه‌ی داقووق بۆردومان كردووه.
سه‌باره‌ت به ئاماری كوژرانی چه‌كدارانی داعش به‌هۆی بۆردومانه‌كه، تا ئێستا سوپای عێراق زانیاری بڵاو نه‌كردۆته‌وه.
کۆمێنت (0)
تا ئێستا هیچ کۆمێنتێک نەکراوە.