به‌ڕێوه‌به‌رایه‌تی پۆلیسی ڕاپه‌ڕین ڕایگه‌یاند كه سه‌رله‌ئێواره‌ی ئه‌مڕۆ دووشه‌م و كه‌مێك پێش ئێستا له گوندێكی شاره‌دێی سه‌نگه‌سه‌ر منداڵێك له‌نێو گۆمێكی ئاودا خنكا.
پۆلیسی ڕاپه‌ڕین ڕایگه‌یاند: کەمێک پێش ئێستا تەرمی منداڵێک بەناوی (د. ئ. ح) ڕەگەزی نێر و تەمەن 12 ساڵ، دانیشتووی گوندی قادراوە سەر بە شاره‌دێی سەنگەسەر لەلایەن پۆلیسی شاره‌دێكه بە خنکاوی گەیەندرایە نەخۆشخانەی گشتی قەڵادزێ.
ڕاشیگه‌یاند: بە وتەی کەسوکارەکەی منداڵەکەیان لە گۆمێکی گوندەکەیاندا کە بۆ ئاودانی برنج دروستکراوە، مەلەی کردووە و دواتر خنکاوە.
پۆلیسی ڕاپه‌ڕین جه‌ختیشی كرده‌وه كه پەڕاوی لێکۆڵینەوە بۆ ڕووداوەکە ڕێکخراوە و لێکۆڵینەوەكانیش بەردەوامە.
کۆمێنت (0)
تا ئێستا هیچ کۆمێنتێک نەکراوە.