بڕیاره دووسبه‌ی سێشه‌م له شاری هه‌ولێر پێشانگه‌یه‌كی كاریكاتێر بۆ هونه‌رمه‌ند دژوار ئیبراهیم بكرێته‌وه.
له‌باره‌ی پێشانگه‌كه، هونه‌رمه‌ندی كاریكاتێرست دژوار ئیبراهیم به (كوردستان تیڤی) ڕاگه‌یاند: رۆژانی سێشه‌مه و چوارشه‌مه‌ی ئه‌م هه‌فته‌یه پێشانگه‌یه‌ك بۆ نمایشكردنی نوێترین به‌رهه‌مه‌كانم ده‌كه‌مه‌وه.
ڕاشیگه‌یاند: پێشانگه‌كه له كاتژمێر 7:30ی ئێواره‌ی رۆژی سێشه‌م له گراند ماجیدی مۆڵ له شاری هه‌ولێر ده‌كرێته‌وه و تا رۆژی دواتر (چوارشه‌م) به‌رده‌وام ده‌بێت.
ئاماژه‌ی به‌وه‌ش دا كه سه‌رجه‌م هونه‌ردۆست و هاووڵاتییان ده‌توانن سه‌ردانی پێشانگه‌كه بكه‌ن بۆ ئه‌وه‌ی به‌شێكی به‌رهه‌مه كاریكاتێره‌كانم ببینن.
کۆمێنت (0)
تا ئێستا هیچ کۆمێنتێک نەکراوە.