سێ تۆمه‌تبار له‌ هه‌ولێر ده‌ستگیركران

ده‌ستگیركردنی سێ تۆمه‌تبار له‌ هه‌ولێر راگه‌یاندرا.
به‌رێوه‌به‌رایه‌تینه‌هێشتنی مادده‌ هۆشبه‌ره‌كان، ئه‌مرۆ پێنجشه‌م 14ی9ی2023 بڵاویكرده‌وه‌، له‌ رۆژی 13ی9ی2023، دوای وەرگرتنی فەرمانی دادوەری ئاساییش لەسەر تۆڕێکی بازرگانیکردن بەماددەی هۆشبەر، تیمەکانمانی بەڕێوەبەرایەتیمان بەهاوکاری بەڕێوەبەرایەتی ئاسایشی بازگەکان توانیان سێ تۆمەتبار لەشاری هەولێر دەستگیربکەن. 
راشگه‌یاندراوه‌، لەم چالاکیەدا بڕی یەک کیلۆگرام مادەی هۆشبەر لە جۆری کریستاڵ و هیرۆیین لەگەڵ بڕێک پارەی ساختە دەستی بەسەردا گیرا. تۆمەتباران پەڕاوی لێکۆڵینەوەیان بۆ کرایەوەو رووبەڕوی یاسا دەکرێنەوە.