دوای نیوه‌ڕۆی ئه‌مڕۆ سێشه‌م نرخی نه‌وت له بازاڕه‌كانی جیهان زیاتر به‌رزبووه‌وه و بۆ سه‌رووی 91 دۆلار هه‌ڵكشا.
نرخی هه‌ر به‌رمیلێك نه‌وتی برێنت دوای نیوه‌ڕۆی ئه‌مڕۆ به‌ڕێژه‌ی 0.65% به‌رز بووه‌وه و ئێستا به 91.23 دۆلاره.
به‌هه‌مانشێوه نرخی نه‌وتی خاوی تێكساسی ئه‌مه‌ریكیش به‌ڕێژه‌ی 0.77% به‌رزبوونه‌وه‌ی به‌خۆیه‌وه بینی و ئێستا هه‌ر به‌رمیلێك له‌مجۆره‌ی نه‌وت به 87.96 دۆلاره.
به‌رزبوونه‌وه‌ی نرخی نه‌وت به‌شێوه‌یه‌كی گشتی له‌م دواییانه په‌یوه‌ندی به بڕیاره‌كه‌ی هه‌ردوو وڵاتی سعوودییه و ڕووسیاوه هه‌یه كه بڕیاریاندابوو رۆژانه به‌رهه‌مهێنانیان بۆ یه‌ك ملیۆن به‌رمیل كه‌م بكه‌نه‌وه.
کۆمێنت (0)
تا ئێستا هیچ کۆمێنتێک نەکراوە.