ئه‌مشه‌و له سنووری شارۆچكه‌ی به‌رده‌ڕه‌ش دوو ڕووداوی هاتوچۆی ڕوویان دا و له ئه‌نجامی ڕووداوه‌كانیش كه‌سێك گیانی له‌ده‌ست دا و سێ كه‌سی تریش به سه‌ختی بریندار بوون.
په‌یامنێری (كوردستان تیڤی) پێی ڕاگه‌یاندین: ڕووداوی یه‌كه‌م له شاره‌دێی ڕۆڤیا له‌نێوان ماتۆڕسكیل و كامیۆنێكی بارهه‌ڵگڕ ڕووی دا، له ئه‌نجامی ڕووداوه‌كه هه‌ردوو سواری ماتۆڕسكیله‌كه به سه‌ختی بریندار بوون.
ڕاشیگه‌یاند: ڕووداوی دووه‌م له‌سه‌ر ڕێگه‌ی به‌رده‌ڕه‌ش – كه‌ڵه‌ك له‌نێوان ئۆتۆمبێلێكی تایبه‌ت و بارهه‌لگرێك ڕوویداوه، له ئه‌نجامی ئه‌و ڕووداوه‌ش كه‌سێك گیانی له‌ده‌ست دا و كه‌سێكی تریش به سه‌ختی بریندار بوو.
ئاماژه‌ی به‌وه‌ش دا كه هه‌ردوو ڕووداوه‌كه ئه‌مشه‌و له سنووری شارۆچكه‌ی به‌رده‌ڕه‌ش ڕوویانداوه و هۆكاره‌كه‌شی تیژڕۆیی و پابه‌ندنه‌بوون به رێنماییه‌كانی هاتوچۆ بووه.
به‌رده‌ڕه‌ش / سه‌نگه‌ر گۆران
کۆمێنت (0)
تا ئێستا هیچ کۆمێنتێک نەکراوە.