تەرمی عەبدولسەلام سەباح شاكر-ی تەمەن 11ساڵان لە رووباری زێی گەورە دۆزرایەوە كەوا رۆژی هەینی ڕێكەوتی 2023/9/8 بەمەبەستی گەشت و سەیران لەگەڵ خانەوادەكەی سەردانی لێواری زێی گەورەی كردبوو، لە نزیك گوندی زەنگەل بەهۆی نەشارەزایی مەلە كردن لە شوێنەكە خنكا.
لەوبارەیەوە ڕاید ئامانج شێخانی، بەرپرسی تیمی ژێر ئاوی خەبات بەكوردستان تیڤی ڕاگەیاند: دوو ڕۆژە لە نێو رووبارەكەدا بە دوای تەرمی عەبدولسەلام سەباح شاكر گەڕاوین ،بەڵام خۆش بەختانە توانیمان بەهاوكاری هاووڵاتیان لە نزیك گوندی مەتڕاد لەسنووری ناحیەی گوێر تەرمەكە بدۆزینەوەو رادەستی كەس و كارەكەی بكەین.
بەرپرسی تیمی ژێر ئاوی خەبات ئاماژەی بەوەشكرد،لە ماوەی ئەمساڵ ئەمە 12هەمین حاڵەتی خنكانە لە رووباری زێی گەورە لە سنوری قەزای خەبات، كەوا سەرجەمیان بە هۆی نەشارەزایی مەلە كردنەوە بووە لە رووبارەكەدا.
سالار نامیق/ پەیامنێری كوردستان تیڤی لە خەبات
تەرمی عەبدولسەلام سەباح شاكر-ی تەمەن 11ساڵان لە رووباری زێی گەورە دۆزرایەوە
100%
کۆمێنت (0)
تا ئێستا هیچ کۆمێنتێک نەکراوە.