Erbil 20°C یەکشەممە 24 تشرینی دووەم 17:51

كەش هەوا فێنك دەبێت و ئەگەری بارانبارین هەیە

کوردستان TV
100%

ئاراس جەبار،شارەزای بواری كەشناسی رێگەیاند: بەھۆی كاریگەری ئەم نزمەپاڵەپەستۆیەی هەیە لەئەمڕۆ بەدواوە بارستە ھەوایەكی فێنك لەدەریای لەناوەراستەوە ھەڵدەكاتە سەر وڵاتانی شام و دواتریش لە رۆژانی 12 و 13 ی مانگ كاریگەرییەكانی درێژ دەبێتەوە بۆ سەرناوچەكانی ھەرێمی كوردستان و پلەكانی گەرما بەڕاورد بە كاتی ئێستا بەرێژەی 2 تا 3 پلە نزمبوونەوەی زیاتر بەخۆیەوە ئەبینێت . 
هەروەها دەڵێت: بەھۆی بوونی ھەوای سارد و شێی پێویست لە بەرزاییەكانی سەرەوەی ھەوادا ھەر لەرۆژانی 12 و 13ی مانگ لەناوچەكانی باكووری كوردستان و ناوچەكانی سنووری پارێزگای ھەولێر و دھۆك و ئیدارەی راپەرین بەتایبەتیش ناوچە شاخاوییەكان ئاسمان بەزۆری ئەگۆرێت بۆ نیمچە ھەور .

گوتیشی: ھاوشێوەی حاڵەتەكەی ڕابردوو لەھەندێ ناوچەدا پێشبینی چالاكبوونی ھەورە بروسكە و تاوە بارانی كورت خایان بەرێژەی جیاواز دەكرێت.
لەلایەكی دیكەوە دەستەی كەشناسی عێراق ئەمرۆ یەك شەممە 10-9-2023 پێشبینی كردووە كە پلەكانی گەرما نزتر دەبێتەوەو لەم ماوەكانی ئەم هەفتەیەدا ئەگەری بارانبارین لەچەند ناوچەیەكدا هەیە.
كەشی 48 كاتژمێری داهاتووی شارەكانی هەرێمی كوردستانیش بەم شێوەیە پێشبینیكراوە..
ئەمڕۆ یەك شەممە    10– 9- 2023    
كەش/ ئاسمان ساماڵ دەبێت  لەگەڵ بوونی تۆز وخۆڵ  لە ناوچەكانی ڕۆژهەڵاتی هەرێم و ناوچەكانی گەرمیان
خێرایی با / مام ناوەند ( 15 –  25) كم /ك دەبێت .
ئاراستەی با / باكووری  خۆرئاوا دەبێت .
پلەكانی گەرما/ بە نزیكەی 1 تـــا 2 پلە بەرزتر دەبێت لە تۆماركراوەكانی دوێنێ جگە لە شاری سلێمانی كە كەمێك نزم دەبێتەوە  .
مەودای بینین/ لە نێوان ( 8 – 9  ) كم  دەبێت , لە كاتی تۆز و خۆڵ (3-6) كم.  
پلەكانی گەرما / لەسەر نەخشەدا ئاماژەیان پێدراوە .
سبەی دووشەممە    11– 9- 2023  
كەش/ ئاسمان ساماڵ دەبێت , لەگەڵ بوونی تۆزێكی سووك.
خێرایی با / لە سەرخۆ - مام ناوەند ( 10 –  15) كم /ك دەبێت.
ئاراستەی با / باكووری  خۆرئاوا دەبێت .
مەودای بینین/ لە نێوان ( 7– 10   ) كم  دەبێت .  
پلەكانی گەرما/ نزم دەبێتەوە بە (1-2) پلە  بە بەراوورد بە تۆماركراوەكانی ئەمڕۆ  .
بەرزترین پلەكانی گەرمای پێشبینیكراو بە پلەی سیلیزی :
هەولێر     : 37 پلەی سیلیزی
سلێمانی   :34 پلەی سیلیزی
دهۆك      : 35  پلەی سیلیزی
كەركوك   : 39 پلەی سیلیزی
هەڵەبجە   : 39 پلەی سیلیزی
 زاخۆ        : 37 پلەی سیلیزی
حاجی ئۆمەران: 26 پلەی سیلیزی
سۆران :      35  پلەی سیلیزی
گەرمیان  :  40  پلەی سیلیزی
بەشی پێشبینی  10-  09 -  2023

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.