پاله‌وانێییه‌تی كراوه‌ی له‌شجوانی و له‌ش رێكی كوردستان به‌رێوه‌چوو

له‌ژێر چاودێری لێژنه‌ی ئۆلۆمپی هه‌رێمی كوردستان پاله‌وانێیه‌تی  كراوه‌ی له‌شجوانی كوردستان به‌رێوه‌چوو.
راگه‌یاندنی لێژنه‌ی ئۆلۆمپی هه‌رێمی كوردستان بڵاویكرده‌وه‌: ئێواره‌ی رۆژی هه‌ینی 8ی9ی2023، پاله‌وانێییه‌تی كراوه‌ی له‌شجوانی و له‌ش رێكی كوردستان، به‌ سه‌رپه‌رشتی یه‌كێتی ناوه‌ندی له‌شجوانی و له‌ش رێكی كوردستان، به‌ به‌شداری 112 یاریزان له‌ته‌واوی شاره‌كانی هه‌رێمی كوردستان، له‌ پارێزگای سلێمانی  به‌ رێوه‌چوو. 
راگه‌یاندنی لێژنه‌كه‌ راشیگه‌یاندووه‌،  له‌ ماوه‌ی‌ به‌رێوه‌چوونی ڕكابه‌رییه‌كان نمایش بۆ كێشه‌كان به‌ڕێوه‌چوو و خه‌لاَتی‌ تایبه‌تیش به‌ پاڵه‌وانان له‌لایه‌ن یه‌كێتی ناوه‌ندی له‌شجوانی و له‌ش رێكی كوردستان كه‌ سێ خه‌ڵات بوو به‌بڕی 2 ملیۆن و 500 هه‌زار دینار به‌خشرا به‌ پاڵه‌وانانان.
راگه‌یاندنی لێژنه‌ی ئۆلۆمپی هه‌رێمی كوردستان ئاماژه‌ی به‌وه‌شكردووه‌، له‌ پاله‌وانێتییه‌كه‌دا هه‌ریه‌ك له‌ یاریزانان نه‌ریمان محه‌ممه‌د له‌ شاری سلێمانی و  پشده‌ر مه‌حمود له‌ شاری رانیه‌ و هه‌رێم دارا له‌ سلێمانی پله‌ی یه‌كه‌می یه‌كه‌مه‌كانیان به‌ده‌ست هێناو له‌لایه‌ن یه‌كێتی ناوه‌ندی له‌ش جوانی و له‌ش رێكی كوردستانه‌وه‌ش بڕی 2 ملیۆن و 500 هه‌زار دیناریان وه‌ك خه‌ڵاتی دارایی پێ به‌خشرا. 
له‌كۆتاییدا راگه‌یاندراوه‌، لێژنه‌ی ئۆلۆمپی هه‌رێمی كوردستان، وه‌ك دامه‌زراوه‌ی وه‌رزشی هه‌رێمی كوردستان كاروچالاكییه‌كانی به‌ پشتگیری كابینه‌ی نۆیه‌می حكومه‌تی هه‌رێمی كوردستان ئه‌نجام ده‌دات.