پلەکانی گەرما زیاتر نزم دەبنەوە

شارەزایەکی بواری کەشناسی ئاماژەی بەوە داوە کە سبەی پلەکانی گەرما بە ڕێژەی 1 بۆ 2 پلە بەراورد بە ئەمڕۆ نزم دەبێتەوە.

ئاراس جەبار شارەزای کەشناسی لە هەرێمی کوردستان سەبارەت بە کەشوهەوای سبەی شەمە 09ـی 09ـی 2023 ڕایگەیاند: ئاسمانی ھەرێمی کوردستان ساماڵ دەبێت و گەرما کەمتر دەبێتەوە و پلەکانی گەرما بەراورد بە ئەمڕۆ بە ڕێژەی 1 بۆ 2 پلە نزمتر دەبێت.

ڕاشیگەیاند: خێرایی با لەسەرخۆ و کاتەکانی پاشنیوەرۆ چاڵاک دەبێت بەخێرایی 15-30 کیلۆمەتر لە کاتژمێرێک لە ئاراستەی باشووری ڕۆژئاواوە .

ئەو شارەزایەی کەشناسی بەرزترین پلەی گەرمی پێشبینیکراوی سبەی شەممەی بەمشێوەیە خستووەتەڕوو:-

ھەولێر : 37 پلە

سلێمانی: 36 پلە

دھۆک : 37 پلە

ھەڵەبجە: 37 پلە

کەرکووک: 38 پلە

گەرمیان: 41 پلە

ڕاپەرین: 36 پلە

سۆران: 35 پلە