بەهۆی هاتنی زیارەتکاران بەبۆنەی چلەی ئیمام حوسەینەوە، جووڵە بازرگانییەکان خاوبوونەتەوە و بەهۆیەوەش داهاتی خاڵە سنوورییەکانی هەڵەبجە و سلێمانی کەمی کردووە.
ئەمڕۆ هەینی 08ـی 09ـی 2023 سیروان محەمەد سەرۆکی ژووری بازرگانی و پیشەسازی سلێمانی بۆ (کوردستان تیڤی) ڕایگەیاند: ساڵانە بەهۆی هاتنی زیارەتکارانی ئێرانییەوە بۆ بەشداریکردن لە چلەی ئیمام حوسەین سەرجەم کارگە و شوێنە بازرگانییەکان دادەخرێن.
ڕاشیگەیاند: داهاتی ئه‌م هه‌فته‌یه‌ی ده‌روازه سنوورییه‌كانی پارێزگاكانی هه‌ڵه‌بجه و سلێمانی و ئیداره سه‌ربه‌خۆكانی ڕاپه‌ڕین و گه‌رمیان به بڕی 14 ملیار و 13 ملیۆن دینار به‌راورد به هه‌فته‌ی ڕابردوو كه‌می كردووه.
سەرۆکی ژووری بازرگانی و پیشەسازی سلێمانی ئاماژەی بەوەش دا کە داهاتی ئه‌م هه‌فته‌یه ته‌نیا 11 ملیار و 207 ملیۆن دینار بووه.
کۆمێنت (0)
تا ئێستا هیچ کۆمێنتێک نەکراوە.