وەزارەتی پەروەردەی حكومەتی هەرێمی كوردستان، لە فەرمانێكی وەزاریدا رایدەگەێنێ، مامۆستایانی ناوەندەكانی خوێندنی حكومی ئاگادار دەكرێنەوە لەوەی دوای تەواوبوونی بەشە وانەی رۆژانەیان، سەرپشكن لە مانەوەیان لە ناوەندەكانی خوێندن.
لە فەرمانێكی وەزاری، وەزارەتی پەروەردەی حكومەتی هەرێمی كوردستاندا كە لەلایەن ئالان حەمە سەعید ساڵح، وەزیری پەروەردە واژۆی لەسەر كراوە،هاتووە: سەبارەت بە دەوامی مامۆستایان لە ناوەندەكانی حكومی، بە گوێرەی وانەكانیان دەبێت كە لە خشتەی بەشە وانەكانیان بۆیان دانراوە و گۆڕانكاری تێدا ناكرێت. جگە لە كاتی وتنەوەی وانەكانی خۆی و ئامادەبوونی لە یەك بەشە وانەی هەفتانەی راهێنان، مامۆستا پابەند ناكرێت بە مانەوەی لە سەرەتای دەوام تا كۆتایی دەوام و سەرپشكن لە مانەوەیان لە ناوەندەكانی خوێندن.
کۆمێنت (0)
تا ئێستا هیچ کۆمێنتێک نەکراوە.