پرسه‌نامه‌ك له سه‌رۆكى هه‌رێمى كوردستانه‌وه.
نێچیرڤان بارزانی پرسه‌نامه‌یه‌كی بۆ كۆچیی دواييى خوالێخۆشبوو عه‌بدولخالق زه‌نگه‌نه، پێشمه‌رگه و تێكۆشه‌رى دێرين و ئه‌ندامى پێشووترى په‌رله‌مانى كوردستان بڵاوكرده‌وه.
نێچیرڤان بارزانی،سه‌رۆكی هه‌رێمی كوردستان رایده‌گه‌ێنێت، بۆ كۆچى دواييى خوالێخۆشبوو عه‌بدولخالق زه‌نگه‌نه، پێشمه‌رگه و تێكۆشه‌رى دێرين و ئه‌ندامى پێشووترى په‌رله‌مانى كوردستان، پرسه و سه‌ره‌خۆشى له خانه‌واده و كه‌وسوكار و هاوڕێيانى ده‌كه‌م، هاوسۆز و هاوخه‌ميانم. له خواى مه‌زن داواكارم خوالێخۆشبوو بخاته به‌ر به‌زه‌يى و ميهره‌بانيى خۆى و ئارامى و دڵنه‌وايى به هه‌مووان ببه‌خشێت.
نێچیرڤان بارزانی ده‌شڵێت، خوالێخۆشبوو عه‌بدولخالق زه‌نگه‌نه پارێزه‌رێكى سه‌رسه‌ختى گه‌ل و وڵات بوو، ته‌مه‌نێكى درێژى له خه‌بات و تێكۆشان و پێشمه‌رگايه‌تيدا به‌سه‌ر برد و به خامه و نووسينه‌كانيشى هه‌ميشه به‌رگرى له مافه‌كانى گه‌لى كوردستان كردووه، گيانى شاد و يادى هه‌ميشه به خێر بێت.
نێچیرڤان بارزانی: خوالێخۆشبوو عه‌بدولخالق زه‌نگه‌نه پارێزه‌رێكى سه‌رسه‌ختى گه‌ل و وڵات بوو
100%
کۆمێنت (0)
تا ئێستا هیچ کۆمێنتێک نەکراوە.