حكوومه‌تی هه‌رێمی كوردستان ئاشكرای كرد كه به‌مزووانه سێ به‌رهه‌می تری جوتیارانی هه‌رێمی كوردستان هه‌نارده‌ی ئه‌وروپا ده‌كرێن.
سه‌باره‌ت به سێ به‌رهه‌مه‌كه، حكوومه‌تی هه‌رێم ڕایگه‌یاند كه بریتین له برنج و سماق و ته‌حین.
له‌باره‌ی واده‌ی ناردنی به‌رهه‌مه‌كان، ئاماژه‌ی به‌وه‌ش دا كه به‌مزووانه هه‌نارده‌كه ده‌ست پێ ده‌كات و له بازاڕه‌كانی ئه‌وروپا به‌رده‌ست ده‌بن.
ئه‌مه له كاتێكدایه كه حكوومه‌تی هه‌رێمی كوردستان ئه‌مساڵ سەدان تۆن پەتاتەی کوردستانی هه‌نارده‌ی ئیماڕات و وڵاتانی کەنداو كرد، پێشتریش چه‌ند جۆرێكی تری به‌رهه‌می جوتیارانی هه‌رێمی كوردستان ڕه‌وانه‌ی وڵاتانی عه‌ره‌بی و كه‌نداو و ئه‌وروپا كرابوون كه گرینگترینیان هه‌نار و ترێ كوردستان بوو و به‌هۆی باشی و تام و چێژه نایابه‌كه‌ی خواستێكی زۆریشی له وڵاتان له‌سه‌ر بوو.
کۆمێنت (0)
تا ئێستا هیچ کۆمێنتێک نەکراوە.