به‌ڕێوه‌به‌رایه‌تی هاتوچۆی هه‌ولێر سه‌رجه‌م هاووڵاتییان و شوفێرانی ئاگاداركرده‌وه كه سبه‌ی پێنجشه‌م كامێرای خاڵ بۆ خاڵ له به‌شێكی تری شه‌قامی 120 مه‌تری شاری هه‌ولێر ده‌كه‌وێته كار.
هاتوچۆی هه‌ولێر له ئاگادارییه‌كه‌دا ده‌ڵێت: سەرجەم هاووڵاتییان و شوفێران ئاگادار دەکەینەوە کەوا بە مەبەستی پاراستنی گیانی هاووڵاتییان و دوورخستنەوەیان لە ڕووداو و کارەساتەکان، سبه‌ی له ڕێكه‌وتی 2023/8/31 لەسەر شەقامی 120مەتری خێرا چه‌ند كامێرایه‌كی خاڵ بۆ خاڵ ده‌كه‌ونه كار.
ده‌شڵێت: به دیاریكراوی شوێنه‌كه لەو بەشەی کە دەکەوێتە نێوان ڕێگه‌ی کەرکووک بۆ ڕێگه‌ی مووسل، 3 خاڵی تری کامیرای خاڵ بۆ خاڵ دەکەوێتە کار.
جه‌ختیشی كرده‌وه كه جارێ كامێراكان بۆ تاقیكردنه‌وه داده‌نرێن و لە ڕۆژی 2023/9/6 سزاکان بەفەرمی تۆمار دەکرێن کە لەو کامیرانەوە دێن.
به‌ڕێوه‌به‌رایه‌تی هاتوچۆی هه‌ولێر داوای لە شوفێران كرد کەوا بۆ پاراستنی خۆیان و ئازیزانیان پابەندی ڕۆیشتن بن بەو خێراییەی کە دیاریکراوە.
کۆمێنت (0)
تا ئێستا هیچ کۆمێنتێک نەکراوە.