سەرۆکی حکوومەتی هەرێمی کوردستان ڕەزامەندی لەسەر خەرجکردنی 18 ملیار و 520 ملیۆن دینار بۆ جێبەجێکردنی پڕۆژە خزمەتگوزارییەکانی قەزای سێمێل داوە.
د. عەلی تەتەر پارێزگاری دهۆک ڕایگەیاند: ئەمڕۆ یەکشەممە 27ـی 08ـی 2023 بە یاوەریی د. ئیبراهیم شەرەفانی ڕاوێژکاری دیوانی ئەنجوومەنی وەزیران سەردانی قەزای سێمێلم کرد.
ڕاشیگەیاند: لە کۆبوونەوەیەکدا سەبارەت بە پڕۆژەکانی قەزای سێمێل، دوای ڕەزامەندیی مەسرور بارزانی سەرۆکی حکوومەتی هەرێمی کوردستان بۆ خەرجکردنی بڕی 18 ملیار و 520 ملیۆن دینار، ئەو بڕەپارەیە بۆ جێبەجێکردنی پڕۆژەکانی ڕێگەوبان، کارەبا، پەروەردە و ئاو تەرخان دەکرێت.
پارێزگاری دهۆک دووپاتی کردۆتەوە کە لە ماوەیەکی نزیکدا ژمارەیەک پڕۆژە لە قەزای سێمێل ڕادەگەیەنرێ و حکوومەت بەردەوامە لە جێبەجێکردنی خزمەتگوزارییەکانی بۆ قەزا و ناحییەکان.
کۆمێنت (0)
تا ئێستا هیچ کۆمێنتێک نەکراوە.