دهوك.. ب پشته‌ڤانیا پارێزگارێ دهوكێ ئێكه‌م قاره‌مانیا تایكوانجتسویێ لسه‌ر ئاستێ عیراقێ بدوماهی هات

 ب پشته‌ڤانیا  "د.عه‌لی ته‌ته‌ر " پارێزگارێ دهوكێ و ب ئاماده‌بونا به‌رێزان " ماجد سه‌ید سالح " نونه‌رێ پارێزگارێ دهوكێ و سه‌روكێن ئێكه‌تیا نێڤده‌وله‌تی یا تایكوانجتسویێ و ئێكه‌تیا عیراقێ یا تایكوانجتسویێ, ئێكه‌م قاره‌مانی لسه‌ر ئاستێ عیراقێ و هه‌رێما كوردستانێ بدوماهی هات ئه‌وا ژلایێ رێڤه‌به‌ریا لاوان و وه‌رزشی ل پارێزگه‌ها دهوكێ ب هه‌فكاری دگه‌ل ئێكه‌تیێن ناڤبری هاتیه‌ رێكخستن دگه‌ل ڤه‌كرنا خوله‌كا راهێنه‌را و دادڤانا ل پارێزگه‌هی
د ئه‌ڤێ قاره‌مانیێ دا لسه‌ر ئاستێ عیراقێ و هه‌رێما كوردستانێ (15) یانه‌ د به‌شداربون و تێدا پێنج یانه‌ یێن پارێزگه‌ها دهوكێ بون ژوان ژی تیمێ یانا دهوك شیا رێزا دوێ د قاره‌مانیێ دا بده‌ستخوڤه‌ بینیت و پتری (30) یاریكه‌ران پله‌یێن 1و2و3 بده‌ستڤه‌ ئینان بریاره‌ دقاره‌مانیێن نێڤده‌وله‌تی دا ژ ده‌رڤه‌ی عیراقێ و هه‌رێما كوردستانێ به‌شداریێ بكه‌ن 
نونه‌رێ پارێزگارێ دهوكێ د رێوره‌سماندا خه‌لاتێن ده‌ستخوشیێ و پیروزباهیێ پێشكێشی تیم و یاریزانێن قاره‌مانیێ كرن و د په‌یڤه‌كێ پیروزباهی ل سه‌ركه‌فتیان كر و ده‌ستخوشی ل رێكخه‌رێن قاره‌مانیێ كر پالشتیا ئیدارا پارێزگه‌هێ دوپاتكره‌ڤه‌ و گوت جهێ خوشحالیێ یه‌ ئه‌ڤ قاره‌مانیه‌ ل پارێزگه‌ها دهوكێ ب هه‌سته‌كێ وه‌رزشی و گیانێ یه‌كدو قه‌بولكرنێ هاتیه‌ ئه‌نجامدان.