وه‌زیری خوێندنی باڵا و توێژینه‌وه‌ی زانستی عێراق ئه‌مشه‌و پێنجشه‌م بڕیاری دا تاقیكردنه‌وه‌كانی خولی دووه‌می سه‌رجه‌م زانكۆ و په‌یمانگاكان ڕابگیرێ.
نه‌عیم عه‌بوودی وه‌زیری خوێندنی باڵا و توێژینه‌وه‌ی زانستی عێراق بڕیاری دا له رۆژی 1ی مانگی داهاتووه‌وه تا رۆژی 9ی هه‌مان مانگ سه‌رجه‌م تاقیكردنه‌وه‌كانی خولی دووه‌می زانكۆ و په‌یمانگا حكوومی و ناحكوومییه‌كان ڕابگیرێ.
ڕاگیرانی تاقیكردنه‌وه‌كان په‌یوه‌ندی به به‌ڕێوه‌چوونی مه‌ڕاسیمه‌كانی یادكردنه‌وه‌ی چله‌ی ماته‌مینی ئیمامی حوسێن و سه‌ردانیكه‌ران بۆ پارێزگای كه‌ربه‌لاوه هه‌یه.
نه‌عیم عه‌بوودی هه‌روه‌ها فه‌رمانی به سه‌رجه‌م زانكۆ و په‌یمانگاكانیش كرد كاری پێویست به ته‌واوكردنی تاقیكردنه‌وه‌كانی خولی دووه‌م و ئاماده‌كارییه‌كان بۆ ده‌ستپێكردنه‌وه‌ی ساڵی نوێی خوێندن بكه‌ن.
کۆمێنت (0)
تا ئێستا هیچ کۆمێنتێک نەکراوە.