سه‌رۆكی حكوومه‌تی هه‌رێمی كوردستان گرینگترین ئه‌و دوو بابه‌ته‌ی ئاشكرا كرد كه له كۆبوونه‌وه‌ی ئه‌مڕۆیدا له‌گه‌ڵ وه‌زیری وزه و سه‌رچاوه سروشتییه‌كانی توركیا گفتوگۆیان له‌سه‌ر كرد.
ئه‌مڕۆ پێنجشه‌م هاكان فیدان وه‌زیری ده‌ره‌وه و ئه‌لپئه‌رسلان به‌یره‌كتار وه‌زیری وزه و سه‌رچاوه سروشتییه‌كانی توركیا سه‌ردانی هه‌ولێریان كرد و له‌گه‌ڵ مه‌سرور بارزانی سه‌رۆكی حكوومه‌تی هه‌رێمی كوردستان و به‌رپرسانی باڵای هه‌رێمی كوردستان كۆبوونه‌وه.
سه‌رۆكی حكوومه‌ت له ڕێگه‌ی تویتێك (تۆڕی كۆمه‌ڵایه‌تی ئیكس) ئه‌و دوو بابه‌ته گرینگه‌ی ئاشكرا كرد كه له كۆوبوونه‌وه‌كه‌یدا له‌گه‌ڵ وه‌زیری وزه و سه‌رچاوه سروشتییه‌كانی توركیا تاوتوێی كرد.
مه‌سرور بارزانی ڕایگه‌یاند "له‌گه‌ڵ به‌یره‌كتار باسمان له پێویستی دەستپێکردنەوەی هەناردەکردنی نەوتی هەرێمی کوردستان لە ڕێگەی بەندەری جەیهانی تورکیا و نەهێشتنی هەموو ئاستەنگێكی تایبەت بەم بابەتە كرد".
ڕاشیگه‌یاند "هەروەها جه‌ختمان له بره‌ودان به په‌یوه‌ندیی بازرگانی، بەتایبەتی هەماهەنگی لە بواری وزەدا كرد".
کۆمێنت (0)
تا ئێستا هیچ کۆمێنتێک نەکراوە.