دوای نیوه‌ڕۆی ئه‌مڕۆ سێشه‌م سێ هاووڵاتی دانیشتووی خه‌بات له ئاوی زێی گه‌وره له شارۆچكه‌ی خه‌بات خنكان.
به‌رگریی شارستانی خه‌بات ڕایگه‌یاند كه توانیویانه ته‌رمی هه‌رسێ هاووڵاتییه‌كه له‌نێو ئاو ده‌ربهێنن.
ڕاشیگه‌یاند: سێ هاووڵاتییه‌كه بریتین له، به‌ختیار كه‌ریم ته‌مه‌ن 28 ساڵ و كوڕه‌كه‌ی بنیامین به‌ختیار ته‌مه‌ن 6 ساڵ له‌گه‌ڵ كچێكی برایان به‌ناوی كه‌ژاڵ هه‌ژار كه‌ریم ته‌مه‌ن 17 ساڵ.
هه‌رسێ هاووڵاتییه‌كه بۆ وه‌رگرتنی پشوو له هه‌ولێره‌وه چوونه‌ته خه‌بات و سه‌ر ئاوی زێی گه‌وره.
سه‌باره‌ت چۆنییه‌تی خنكانیان، به‌رگریی شارستانی ڕایگه‌یاند: سەرەتا منداڵه‌كه بنیامین کەوتۆتە ناو ئاوه‌وه، ئەوانی تر هەوڵیانداوە دەریبهێنن، به‌ڵام له كۆتاییدا بەداخەوە هەرسێکیان خنکاون.
جه‌ختیشی كرده‌وه كه توانیویانه ته‌رمی هه‌رسێ هاووڵاتییه‌كه له‌نێو ئاو ده‌ربهێنن و ئێستا تەرمەکان لە نەخۆشخانەی خەباتن.
له هه‌شت مانگی ڕابردووی ئه‌مساڵدا ئه‌مه نۆیه‌مین حاڵه‌تی خنكان له زێی گه‌وره له شارۆچكه‌ی خه‌بات ڕوو ده‌دات.
https://www.facebook.com/kurdistantvcenter/videos/848525740003620/
کۆمێنت (0)
تا ئێستا هیچ کۆمێنتێک نەکراوە.