حكوومه‌تی فڕه‌نسا ئه‌مڕۆ دووشه‌م گیانله‌ده‌ستدانی سه‌ربازێكی وڵاته‌كه‌ی له عێراق كه ئه‌ركی مه‌شقپێكردنی هێزه‌كانی عێراق بووه بۆ ڕووبه‌ڕووبوونه‌وه‌ی تیرۆر ڕاگه‌یاند.
ئیمانویل ماكڕۆن سه‌رۆكی فڕه‌نسا ڕایگه‌یاند كه ئه‌و سه‌ربازه‌ی گیانی له‌ده‌ستداوه ناوی (نیكۆلا لاتورت)ـه و له كاتی ئه‌ركی سه‌ربازیدا گیانی له‌ده‌ستداوه.
لای خۆیه‌وه سیباستیان لیكۆرنۆ وه‌زیری به‌رگریی فڕه‌نسا ئاشكرای كرد كه سه‌ربازه‌كه شه‌وی ڕابردوو گیانی له‌ده‌ستداوه.
ئاماژه‌ی به‌وه‌ش دا كه ئه‌ركی لاتورت بریتی بوو له مه‌شقپێكردنی هێزه‌كانی سوپای عێراق له چوارچێوه‌ی ڕووبه‌ڕووبوونه‌وه‌ی تیرۆردا.
کۆمێنت (0)
تا ئێستا هیچ کۆمێنتێک نەکراوە.