نرخی دۆلار بەرامبەر بە دینار لە هەولێر و بەغدا بەرزبووەوە

ئەمڕۆ پێنجشەممە، نرخی دۆلار بەرامبەر دیناری عێراقی لە بازاڕەكانی بەغدا و لە هەولێری پایتەختی هەرێمی كوردستان بەرزبوونەوەی بەخۆیەوە بینی.
بەرەبەیانی ئەمڕۆ لەهەردوو بۆرسەی ناوەندیی كیفاح و حورییە لە بەغدا نرخی نرخی 100 دۆلاری ئەمریكی بە 153 هەزار و 200 دینار مامەڵەی پێوەكرا . لەكاتێكدا بەرەبەیانی دوێنێ، نرخی فرۆشتنی 100 دۆلار 153 هەزار دینار بوو.
سەبارەت بە نرخی دۆلار لە نووسینگەكانی ئاڵوگۆڕ دراو لە بازاڕە ناوخۆییەكانی بەغدا، بەرزبووەتەوە، بەو پێیەی نرخی فرۆشتنی 100 دۆلار گەیشتە 154 هەزار و 250 دینار، لە كاتێكدا نرخی كڕین بۆ هەر 100 دۆلارێك گەیشتە 152 هەزار و 250 دینار.
لەهەولێری پایتەختی هەرێمی كوردستان-یش بازاڕی بۆرسە بەرزبوونەوەی تۆماركردووە، بەو پێیەی نرخی فرۆشتنی 100 دۆلار گەیشتووەتە 153 هەزار و 300 دینار.
شارەزایان و چاودێرانی بواری ئابووریش پێیان وایە كە یەكێك لە ھۆكاری بەرزبوونەوەی نرخی دۆلار بەرامبەر بە دینار، بە قاچاخبردنی دۆلارە بۆ دەرەوە.