سه‌ندیكای هونه‌رمه‌ندانی عێراقی ئه‌مڕۆ چوارشه‌م دوایین زانیاری له‌سه‌ر بارودۆخی ته‌ندروستی ئێستای سترانبێژی ناوداری عێراقی یاس خزر بڵاو كرده‌وه.
سه‌ندیكای هونه‌رمه‌ندانی عێراق بڵاوی كرده‌وه: ئه‌مڕۆ چوارشه‌م جه‌بار جودی سه‌رۆكی سه‌ندیكا له نه‌خۆشخانه‌ی ئیبن به‌یتار له شاری به‌غدا سه‌ردانی یاس خزری ته‌مه‌ن 85 ساڵ كرد دوای ئه‌وه‌ی شه‌وی ڕابردوو له‌ناكاو بارودۆخی ته‌ندروستی تێكچووبوو و به‌په‌له گه‌یه‌نرابووه نه‌خۆشخانه.
بڵاویشی كرده‌وه: بارودۆخی ته‌ندروستی ئێستای یاس خزر ڕوو له باشی و سه‌قامگیره.
سه‌رۆكی سه‌ندیكای هونه‌رمه‌ندانی عێراق سوپاسی پزیشك و كارمه‌ندانی نه‌خۆشخانه‌ی ئیبن به‌یتاری كرد كه له نزیكه‌وه چاودێری ته‌ندروستی سترانبێژی ناوداری عێراقی یاس خزریان كردووه.
کۆمێنت (0)
تا ئێستا هیچ کۆمێنتێک نەکراوە.