یه‌كێتی تۆپی پێی ئیتاڵیا ئه‌مڕۆ یه‌كشه‌م ئاشكرای كرد كه رۆبیرتۆ مانشینی ده‌ستله‌كاركێشانه‌وه‌ی له ئه‌ركی راهێنه‌رایه‌تی هه‌ڵبژارده‌ی ئیتاڵیا پێشكه‌شیان كردووه.
یه‌كێتییه‌كه ئاشكرای كرد كه مانشینی دره‌نگانی شه‌وی ڕابردوو داواكاری ده‌ستله‌كاركێشانه‌وه‌ی پێشكه‌ش كردووه و داواكه‌شی قبووڵكراوه.
مانشینی له ساڵی 2018وه ئه‌ركی ڕاهێنه‌رایه‌تی هه‌ڵبژارده‌ی ئیتاڵیای گرتۆته ئه‌ستۆ و باشترین ئه‌نجامیشی له ساڵی 2021 بوو كه توانی ناسناوی جامی ئه‌وروپا بۆ هه‌ڵبژارده‌ی وڵاته‌كه‌ی به‌ده‌ستبێنێ.
یه‌كێتی تۆپی پێی ئیتاڵیا جه‌ختیشی كرده‌وه كه له چه‌ند رۆژی داهاتوودا جێگره‌وه‌ی مانشینی بۆ ڕاهێنه‌رایه‌تی هه‌ڵبژارده‌ی ئیتاڵیا ڕاده‌گه‌یه‌نن.
کۆمێنت (0)
تا ئێستا هیچ کۆمێنتێک نەکراوە.