پێشنوەڕۆی ئەمڕۆ یەكشەممە 2023/8/13 نێچیرڤان بارزانی، سەرۆكی هەرێمی كوردستان، بەبۆنەی كۆتاییهاتنی ئەركییەوە وەك كونسولی گشتیی ئەمەریكا لە هەرێمی كوردستان، بۆ ماڵئاوایی پێشوازی لە بەڕێز ئیرڤن هیكس جوونیەر كرد.
لە دیدارێكدا نێچیرڤان بارزانی سوپاس و پێزانینی هەرێمی كوردستانی بۆ كونسولی گشتیی ئەمەریكا دووپات كردەوە بۆ ئەو ئەرك و خزمەتەی لە ماوەی كاركردنیدا لە هەرێمی كوردستان پێشكەشی كردووە بۆ برەودان بە پەیوەندییەكانی ئەمەریكا لەگەڵ هەرێمی كوردستان، هەروەها هیوای سەركەوتنی لە ئەركی نوێدا بۆ خواست.
لای خۆیەوە ئیرڤن هیكس جوونیەر، وێڕای دەربڕینی خۆشحاڵی بۆ ئەو ماوەیەی لە هەرێمی كوردستان كاری كردووە، سوپاسی نێچیرڤان بارزانی و لایەنە پەیوەندیدارەكانی هەرێمی كوردستانی كرد بۆ هاوكاری و پشتگیرییان لە ئەركەكانی لە ماوەی كاركردنیدا، هەروەها هیوای سەركەوتن و پێشكەوتنی بۆ گەلی كوردستان خواست.
نێچیرڤان بارزانی ماڵئاوایی لە كونسولی ئەمەریكا دەكات
100%
کۆمێنت (0)
تا ئێستا هیچ کۆمێنتێک نەکراوە.