لیژنەی پێشخستنی بنکە تەندروستییەکانی بەڕێوەبەرایەتیی چاکسازییەکانی هەرێمی کوردستان کە لە لایەن وەزارەتی تەندروستیی حکومەتی هەرێمی کوردستانەوە سەرپەرشتی دەکرێت، سەردانی بەڕێوەبەرایەتیی چاکسازیی گەورانی هەولێری کرد.
لیژنەكە بنکەی تەندروستی و قاوشی سزادراوان و چەند بەشێکی تری چاکسازییان بەسەر کردەوە، کە پەیوەندییان بە بەرەوپێشبردن و خزمەتگوزاریی زیاترەوە هەیە.
بەڕێوەبەری چاکسازی، پاڵپشتیی خۆی بۆ هەموو هەماهەنگی و هاوکارییەك دەربڕی، بە مەبەستی دابینکردنی خزمەتگوزاریی زیاتری تەندروستی و پێداویستییەکانی بنکەی تەندروستی بۆ سزادراوان.
هاوكات لە بەردەوامیی سەردانەكەیاندا، لیژنە هاوبەشەكە، سەردانی بەڕێوەبەرایەتیی چاکسازیی ژنان و منداڵانیان کرد و تەواوی بەش و یەکەکانی چارەسەرکردنیان بەسەر کردەوە و لە چۆنیەتیی کارکردن و پێشکەشکردنی خزمەتگوزاریی تەندروستییان کۆڵییەوە.
دواتر سەردانی هۆڵەکانی خانەی تێبینی و سزادراوانی نەوجەوانانیان کرد، پاشان سەردانی هۆڵەکانی ڕاگیراوان و سزادراوانی ژنانیان کرد و لە نزیکەوە تێبینیی گرفت و کێشەکانیان کرد و بە مەبەستی چارەسەرکردن و نەهێشتنی گرفتەکانی پەیوەست بە لایەنی تەندروستی، بەڵێنی بەدواداچوونی زیاتریان دا.
کۆمێنت (0)
تا ئێستا هیچ کۆمێنتێک نەکراوە.