ستیڤانۆس تسیتیباسی یۆنانی یه‌كه‌م نازناوی له‌م وه‌رزه‌ی تێنسی سه‌ر زه‌وی به‌ده‌ستهێنا، له‌یاری كۆتایی پاله‌وانێتی لۆس كابۆس كه یاریه‌كانی له ولاتی مه‌كسیك به‌رێوه چوو ، یاریزان ستیڤانۆس تسیتیباس خاوه‌ن پله‌ی چواره‌می ریزبه‌ندی باشترین یاریزانانی جیهان روبه‌رووی ئه‌لێكس دی مینۆری ئوسترالی بوویه‌وه‌و یاریه‌كه‌شی لێ برده‌وه به ئه‌نجامی دوو كۆمه‌له‌ی بێ به‌رامبه‌ر .
تسیتیباس به سه‌ره‌تایه‌كی به‌هێز ده‌ستی به‌یاری كردن كردو توانی كۆمه‌له‌ی یه‌كه‌م به‌ئه‌نجامی شه‌ش به‌رامبه‌ر به سێ بباته‌وه، له كۆمه‌له‌ی دووه‌م دی مینۆر هه‌وڵیدا بگه‌رێته‌وه نێو كه‌شی ركابه‌ری ، به‌لام تێنسزانه یۆنانیه‌كه سوور بوو له‌سه‌ر بردنه‌وه‌وو به‌ده‌ستهێنانی نازناوه‌كه ، بۆیه ئه‌م كۆمه‌له‌یه‌شی به شه‌ش به‌رامبه‌ر به چوار برده‌وه‌و یاریه‌كه‌شی به دوو كۆمه‌له‌ی بێ وه‌لام له سوودی خۆی ته‌واو كرد .
به‌م سه‌ركه‌وتنه‌ش تسیتیباس یه‌كه‌م نازناوی له‌م وه‌رزه‌ی له پاله‌وانێتی لۆس كابۆس به‌ده‌ستهێناو دوو سه‌دو په‌نجا خالیشی كۆكرده‌وه.
ستیڤانۆس تسیتیباسی یۆنانی یه‌كه‌م نازناوی له‌م وه‌رزه‌ی تێنسی سه‌ر زه‌وی به‌ده‌ستهێنا
100%
کۆمێنت (0)
تا ئێستا هیچ کۆمێنتێک نەکراوە.