لەنزیک گەلی ڕەشاڤا لە سنووری ناحییەی دێرەلووک لە کاتی کارکردندا بۆمبێکی چێنراو بە ئامێرێکی بیناسازیدا تەقییەوە.
بەرەبەیانی ئەمڕۆ دووشەممە 07ـی 08ـی 2023 بەشار عەلی پەیامنێری (کوردستان تیڤی) پێی ڕاگەیاندین: لە کاتی کارکردندا بۆمبێکی چێنراو لەنزیک گەلی ڕەشاڤا لە سنووری ناحییەی دێرەلووک لە سنووری قەزای ئامێدی بە حەفارەیەکدا تەقییەوە.
سەبارەت بە زەرەر و زیانەکان لە ئەنجامی تەقینەوەی بۆمبە چێنراوەکە سەرچاوەیەکی تایبەت بۆ (کوردستان تیڤی) گوتی: ڕووداوەکە هیچ زەرەرێکی گیانی لێنکەوتووەتەوە، بەڵام دوو کەس بەهۆی دەنگی تەقینەوەکە گێژ بوونە و گەیەنراونەتە نەخۆشخانەی ئامێدی، ڕەوشی تەندروستیان جێگیرە.
پەیامنێری کوردستان ئاماژەی بەوەش دا کە تاوەکو ئێستا هیچ لایەنێکی کارگێڕی دەڤەرەکە ڕاگەیەنراویان لەسەر هۆکاری ڕووداوەکە نەبووە.
کۆمێنت (0)
تا ئێستا هیچ کۆمێنتێک نەکراوە.