دره‌نگانی شه‌وی ڕابردوو له گه‌ڕه‌كێكی شاری كه‌ركووك هاووڵاتییه‌كی كوردی شاره‌كه به ده‌سڕێژی گولـله كوژرا.
ڕووداوه‌كه دره‌نگانی شه‌وی ڕابردوو له گه‌ڕه‌كی په‌نجا عه‌لی له شاری كه‌ركووك ڕوویداوه و تێیدا ده‌سڕێژی گولـله له دوو هاووڵاتی كراوه، یه‌كێك له هاووڵاتییه‌كان به‌ناوی شاخه‌وان جه‌عفه‌ر ده‌ستبه‌جێ گیانی له‌ده‌ستداوه.
هاووڵاتییه‌كه كه به شاخه‌ی جه‌عفه‌ر ناسراوه، كادیرێكی یه‌كێتی نیشتمانی كوردستانه و له گه‌ڕه‌كی په‌نجا عه‌لی كاری فرۆشتنی زه‌وی و زار ده‌كات.
جگه له كوژرانی شاخه‌وان جه‌عفه‌ر، هاووڵاتییه‌كی تریش به‌ناوی (عه‌لی ئه‌سعه‌د نادر) كه پیشه‌ی پێشمه‌رگه‌یه، له ڕووداوه‌كه‌دا چه‌ند گولـله‌یه‌كی به‌ركه‌وتووه و به‌سه‌ختی بریندار بوو و ئێستا باری ته‌ندروستی ناجێگیره.
كه‌ركووك / هه‌ڵۆ جه‌باری
کۆمێنت (0)
تا ئێستا هیچ کۆمێنتێک نەکراوە.