ئه‌مرۆش نرخی نه‌وت به‌ به‌رزبوونه‌وه‌ ده‌ستی پێ كرد

سه‌رله‌به‌یانی ئه‌مڕۆ هه‌ینی نرخی نه‌وت دووباره‌ به‌ به‌رزبوونه‌وه‌ ده‌ستی پێ كرد، ئه‌مه‌ش دوای بڕیاره‌كه‌ی سعوودییه‌ و ڕووسیا هات كه‌ بڕیاریانداوه‌ تا كۆتایی مانگی داهاتوو ڕێژه‌ی به‌رهه‌مهێنانیان كه‌م بكه‌نه‌وه‌.

سه‌رله‌به‌یانی ئه‌مڕۆ هه‌ینی هه‌ر به‌رمیلێك نه‌وتی خاوی برینت 30 سه‌نت دۆلاری هاته‌ سه‌ر واته‌ به‌ڕێژه‌ی 0.4% به‌رز بووه‌وه‌، ئێستا هه‌ر به‌رمیلێك نرخه‌كه‌ی 85.44 دۆلاره‌.

به‌هه‌مانشێوه‌ نرخی نه‌وتی خاوی تێكساسی ئه‌مه‌ریكیش به‌رزبوونه‌وه‌ی به‌خۆیه‌وه‌ بینی و هه‌ر به‌رمیلێك 36 سه‌نتی هاته‌ سه‌ر واته‌ به‌ڕێژه‌ی 0.4% به‌رزبووه‌ و ئێستا به‌ 81.90 دۆلاره‌.

ئه‌مه‌ له‌كاتێكدایه‌ كه‌ ئه‌م هه‌فته‌یه‌ نرخی نه‌وت به‌شێوه‌یه‌كی گشتی له‌سه‌ر ئاستی جیهان به‌رده‌وام ڕوو له‌ به‌رزبوونه‌وه‌ بووه‌ و هه‌ر به‌رمیلێك به‌ شه‌ش قۆناغ چه‌ند دۆلارێكی ئه‌مه‌ریكی هاتۆته‌ سه‌ر.