سه‌رله‌ئێواره‌ی ئه‌مڕۆ پێنجشه‌م له سنووری پارێزگای به‌سڕه به‌هۆی نه‌بوون و خراپی خزمه‌تگوزارییه‌كان، هاووڵاتییان خۆپیشاندانیان ده‌ست پێ كرد.
خۆپیشاندانه‌كه له شارۆچه‌كی ئه‌بی خه‌سیب له باشووری به‌سڕه ئه‌نجامدرا و تێیدا ده‌یان هاووڵاتی ناوچه‌كه له‌به‌رامبه‌ر نه‌بوون و خراپی خزمه‌تگوزارییه‌كان له ناوچه‌كه‌یان گردبوونه‌وه و ناڕه‌زایه‌تییان ده‌ربڕی.
خۆپیشانده‌ران هه‌ڕه‌شه‌ی ئه‌وه‌یان له به‌رپرسانی شاره‌كه‌یان كردووه ئه‌گه‌ر له نزیكترین كاتدا وه‌ڵامیان نه‌درێته‌وه، ڕێگه‌ی به‌سڕه - فاو به‌ڕووی هاتوچۆ و بازرگانی داده‌خه‌ن.
هاووڵاتییانی شارۆچكه‌كه داوای باشتركردنی دۆخی شاره‌كه و پێشكه‌شكردنی خزمه‌تگوزارییه‌كانی ته‌ندروستی و ئاو و ئاوه‌ڕۆ و كاره‌با ده‌كه‌ن كه ماوه‌یه‌كی زۆره به‌ده‌ستیانه‌وه ده‌ناڵێنن.
کۆمێنت (0)
تا ئێستا هیچ کۆمێنتێک نەکراوە.